Жаңалықтар архивы
1473
Көктемгі қорытынды аукциондық сауда-саттық қорытындысы бойынша "күн электр энергия бағасы" 25.8 тг/кВт*сағ дейін төмендеді
2018 жылдың 7 маусымда жалпы қуаты 50 МВт күн электр станциялары жобаларын іріктеу бойынша көктемдегі соңғы аукцион Оңтүстік аймаққа арналды.
12 қазақстандық және Ресей, Түркия, Қытай, франция өкілдерін қоса алғанда шетелдік компаниялардан 13 өтінім келіп түсті, жобалардың бірлік қуаты 12,5-тен 50 МВт-қа дейін. Өтінімдердің жалпы көлемі 542,5 МВт құрады. 3 сағаттық сессия ішінде тарифтердің ұсынылған диапазоны 25,80 теңге/кВт*cағ. 34,6 теңге/кВт*cағ. дейін болды. Шекті аукциондық баға шамасы 34,61 теңге/кВт*сағ. құрайды.
Қатысушылар саны 3-тен кем емес және сатып алынатын қуат мөлшері 150% жоғары болғандықтан, ЖЭК жобаларын іріктеу бойынша аукциондық сауда-саттықты ұйымдастыру және өткізу ережелеріне сәйкес аукцион өткізілді деп саналады.
Аукционда бақылаушылар ретінде ҚР Энергетика министрлігінің, үкіметтік емес сектордың және халықаралық ұйымдардың өкілдері қатысты. Бақылаушылар аукциондық сауда-саттық ұйымдастырушы – «Электр энергиясы мен қуаты рыногының қазақстандық операторы» АҚ-ның электронды сауда жүйесі жұмысының толық ашықтығын атап өтті.
Аукциондық сауда-саттық қорытындысы бойынша мынадай қатысушы жеңімпаз болып анықталды.
1. «MISTRAL ENERGY» ЖШС 50 МВт-қа 25,80 теңге/кВт*cағ. бағамен
Келесі аукцион 2018 жылғы күзде өтеді.
Анықтама ретiнде:
Қазақстанда 2018 жылдың 23 мамырынан 7 маусымға дейін және қазанның 3 пен 18 күндер аралығында жаңартылатын энергия көздер жобаларды іріктеуге бірінші халықаралық аукциондық сауда-саттықты өткізуді жоспарланып отыр.
Аукциондық сауда-саттық, жаңартылатын энергия көздерін жоспарлы дамыту кезеңдерінің бірі бола отырып, ең тиімді жобаларды іріктеуге және жаңартылатын энергия көздері арқылы өндірілетін электр энергиясына нарықтағы бәсекелес бағаларды қалыптастыруға бағытталған.
Энергетика Министрлігі аукциондық сауда-саттықты ұйымдастыру мен өткізу қағидаларына сәйкес (21.12.2018ж. ҚР ЭМ №466 бұйрығы) аукциондық сауда-саттық кестесін қалыптастырды.
Энергетика Министрлігімен бекітілген аукциондық сауда-саттық кестесіне сәкес, ағымдағы жылда белгіленген қуаты 1 000 МВт көлемінде аукциондық сауда-саттықты өткізуді жоспарланып отыр, электр станцияларының түрлері бойынша:
- күн электр станциялары – 290 МВт;
- жел электрстанциялары – 620 МВт;
- гидроэлектр станциялары – 75 МВт;
- биоэлектр станциялары – 15 МВт.
Аукциондық сауда-саттық ұйымдастырушысы «КОРЭМ» АҚ болып анықталды.
