Жаңалықтар

   2026 жылғы 30 сәуірде Қазақстан Республикасының Бірыңғай электр энергетикалық жүйесінің (БЭЖ) Оңтүстік аймағында (Алматы облысы) жалпы белгіленген қуаты 50 МВт болатын күн электр станцияларын (КЭС) салу жобаларын іріктеу бойынша еркін аукциондық сауда-саттықтар өткізілді.    Еркін аукциондық сауда-саттықтар шеңберінде күн электр станциялары жобаларын іске асырудың негізгі шарттарының бірі – оларды объектінің белгіленген қуатының кемінде 30 %-ын құрайтын қуаттылығы бар және көрсетілген қуатты кемінде төрт сағат бойы беруді қамтамасыз ететін энергия сыйымдылығы бар электр энергиясын жинақтау жүйелерімен жабдықтау болып табылады.    Аукциондық сауда-саттықтарға қатысуға екі компания жіберілді. Сауда сессиясы барысында қатысушылар үш баға ұсынысын берді, ұсынылған өтінімдердің жиынтық көлемі 100 МВт-ты құрады.    Аукциондық сауда-саттықтардың қорытындысы бойынша жеңімпаз болып «Энерго Транзит Групп» ЖШС танылды. Жобаның белгіленген қуаты 50 МВт, аукциондық баға – 34,56 теңге/кВт·сағ (ҚҚС-сыз).    Сауда-саттықтарға байқаушы ретінде Қазақстан Республикасының Энергетика министрлігінің, «Qazaq Green» ЖЭК қауымдастығы» ЗТБ және «Қазақстан электр энергетикалық қауымдастығы» ЗТБ өкілдері қатысты. Бақылаушылар «KOREM» АҚ оператор болып табылатын электрондық сауда жүйесінің ашықтығы мен дұрыстығын растады.    Күн электр станцияларын салу жобаларын іріктеу бойынша келесі аукциондар 2026 жылғы 18 мамырға жоспарланған. Олар Оңтүстік аймақта (Қызылорда облысы) өткізіліп, жалпы белгіленген қуаты 65 МВт-ты құрайды.  

   2026 жылғы 29 сәуірде Қазақстан Республикасының Бірыңғай электр энергетикалық жүйесінің (БЭЖ) Оңтүстік аймағы (Алматы облысы) үшін күн электр станциясын салу жобаларын іріктеу бойынша жиынтық белгіленген қуаты 100 МВт болатын еркін аукциондық сауда-саттық өткізілді.   Еркін аукциондық сауда-саттық шеңберінде іске асырылатын күн электр станцияларын салудың шарттарының бірі – оларды объектінің белгіленген қуатының кемінде 30%-ын құрайтын қуаты бар және көрсетілген қуатты кемінде төрт сағат бойы беруді қамтамасыз ететін энергия сыйымдылығы бар электр энергиясын сақтау жүйелерімен жабдықтау болып табылады.   Аукциондық сауда-саттыққа 3 компания қатысуға жіберілді. Сауда сессиясы барысында қатысушылар 2 баға ұсынысын ұсынды. Ұсынылған өтінімдердің жиынтық көлемі 300 МВт құрады.   Аукциондық сауда-саттық қорытындысы бойынша жеңімпаз болып «Shetmerki» ЖШС танылды. Жобаның белгіленген қуаты – 100 МВт, аукциондық баға – 34,56 теңге/кВтсағ (ҚҚС-сыз).   Бақылаушылар ретінде Қазақстан Республикасы Энергетика министрлігінің, «Qazaq Green» ЖЭК қауымдастығы» ЗТБ өкілдері қатысты. Бақылаушылар «KOREM» АҚ оператор болып табылатын электрондық сауда жүйесінің ашықтығы мен дұрыстығын растады.