Жаңалықтар архивы
558
Құрметті инвесторлар!
«ЭҚРҚО» АҚ Сіздерді 2022 жылға арналған генерациялаудың маневрлік режимі бар жаңадан пайдалануға берілетін генерациялайтын қондырғылардың құрылысы бойынша аукциондық сауда-саттыққа қатысуға шақырады.
Аукциондық сауда-саттық Қазақстан Республикасы Энергетика министрлігінің 2022 жылғы 14 қаңтардағы №17 бұйрығымен бекітілген «2022 жылға арналған генерациялаудың маневрлік режимімен жаңадан пайдалануға берілетін генерациялайтын қондырғыларды салуға аукциондық сауда-саттық өткізу кестесіне» (бұдан әрі - Аукциондық сауда-саттықты өткізу кестесі) сәйкес жүргізіледі.
2022 жылғы 13 және 15 шілдеде аукциондық сауда-саттыққа екі алаң қойылады, олар Қызылорда (көлемі 240 МВт) және Түркістан (көлемі 900-1000 МВт) облыстарында орналасқан.
2022 жылға арналған аукциондық сауда-саттықты өткізу кестесімен, сондай-ақ қатысуға қатысты презентациялық материалдармен Сіз біздің сайтымыздан таныса аласыз https://auction.korem.kz/.
Сондай-ақ, біздің сайтта Сіз жоба алдындағы құжаттаманың құрамын қамтитын дайындалған презентация материалдарын оқып, жоба алдындағы құжаттамаға кіретін мәліметтерді біле аласыз.
Барлық сұрақтар бойынша Сіз бізге электронды пошта арқылы хабарласа аласыз vie@korem.kz немесе келесі нөмірлер бойынша: 8(7172)- 649-181, 649-188, 649-187.
Сіздерді 2022 жылғы аукциондық сауда-саттыққа қатысушылардың арасынан көруге қуаныштымыз.
