Жаңалықтар архивы

Астанада 2023 жылдың 3-6 қазан аралығында Kazakhstan Energy Week-2023/ XV KAZENERGY Еуразиялық форумы өтуде.  Kazakhstan Energy Week-2023-Каспий және Орталық Азия өңірлеріндегі энергетика секторының халықаралық әрекеті.

Іс-шара әлемнің 50-ден астам елінің атынан қатысатын 300-ден астам компаниядан 2,5 мыңнан астам өкілінің назарын аударады. KAZENERGY қауымдастығы Қазақстан Республикасы Үкіметінің қолдауымен өткізеді.  Форумның қонақтары көптеген жылдар бойы ықпалды саяси қайраткерлер, әлемге әйгілі сарапшылар болды.

Дүниежүзілік энергетикалық аптаның бірінші күні «Цифрлық электр энергетикасы: келген болашақ» панельдік сессиясының негізгі баяндамашысы болып «Электр энергиясы мен қуаты нарығының қазақстандық операторы» АҚ Басқарма Төрағасы Қайрат Рахимов сөз сөйледі.

Қайрат Рахимов - «Энергетикалық секторды цифрландыру 2060 жылға қарай шығарындылардың нөлдік деңгейіне жету және интеллектуалды және икемді энергетикалық жүйені қолдау үшін өте маңызды»,- екенін атап өтті

Баяндамашы энергетиканы цифрландыру арқылы көміртегі бейтараптығына қол жеткізу мысалдарын ұсынды. Қолда бар әлемдік трендтер мен электр энергетикасын дамытудың қолжетімді технологияларын белгіледі.

«ЭҚРҚО» АҚ басшысы сөз соңында, энергетика саласындағы бизнесті трансформациялаудың жаңа құралы ретінде «Энергетиканың цифрлық платформасын» құру және «Цифрлық генерация картасын» іске асыру жобаларымен таныстырды.