Жаңалықтар архивы
637
«КОРЭМ» АҚ алаңында Дүниежүзілік банк командасымен кездесу өтті
2024 жылғы 27 маусымда «KOREM» АҚ алаңында Дүниежүзілік Банктің командасымен көміртегі бағасы және оның Қазақстанның энергетикалық секторына әлеуетті әсері мәселесі бойынша кездесу өтті.
Дүниежүзілік банк табысы төмен және орташа елдерде Электр энергетикасы секторын декарбонизациялау мақсатында көміртегі шығарындыларына тарифтерді белгілеу туралы баяндамамен жұмыс істеуде.
Зерттеу туры аясында Дүниежүзілік банктің Орталық Азия мамандары құрамындағы команда сектордың шығарындыларына әсер ететін инвестициялау, пайдалану және тұтыну процестерін түсіну мақсатында ақпарат жинауға бағытталған миссиямен Астанаға келді.
Кездесу барысында Дүниежүзілік банк өкілі неғұрлым ауқымды зерттеу мақсатында сенімді, қолжетімді, төмен көміртекті Электр энергетикасы жүйесіне көшуге бағытталған саясаттың кең пакеті шеңберінде көміртегі шығарындылары үшін төлемдерді қарастыратын өзгерістер теориясы әзірленгенін атап өтті.
Өз кезегінде, «KOREM» АҚ нарықты және сауда жүйесін дамыту жөніндегі басқарушы директоры Ержан Мәдиев компанияның қазақстандық электр энергиясы нарығындағы рөлі, сауда түрлері, компанияның функциялары, бірыңғай сатып алушы жанындағы электр энергиясының орталықтандырылған сауда-саттығын өткізу жөніндегі сауда алаңы, сондай - ақ жаңа функция-электр энергиясының теңгерімдеуші нарығының есеп айырысу орталығы туралы айтып берді. Сондай-ақ, электр энергиясының теңгерімдеуші нарығындағы тариф белгілеу туралы толығырақ айтып берді.
Кездесу қорытындысы бойынша тараптар ағымдағы мәселелер бойынша пікір алмасты.
