Жаңалықтар архивы

2024 жылғы 5 қарашада «Электр энергиясы мен қуаты нарығының қазақстандық операторы» АҚ АҚШ энергетикалық қауымдастығының, АҚШ халықаралық даму агенттігінің (USAID) және Аризона штаты университетінің көмегімен Қазақстан энергетика секторының киберқауіпсіздігі мәселелері бойынша онлайн семинар өткізді.

Іс-шара киберқауіптерді талқылау және елдің маңызды энергетикалық инфрақұрылымының тұрақтылығын арттыру үшін жетекші сарапшыларды, сала мамандарын және ғалымдарды біріктірді.

Семинар екі тақырыптық блоктан құралды:

• АҚШ коммуналдық қызметтерін, нарық операциялары архитектурасын, сәйкес стандарттарды, ақпарат алмасуды және белсенді қорғанысты зерттеу - спикер Марк Джонсон-Барбье.
• Энергетикалық жүйелердегі киберқауіпсіздік негіздері, энергетикалық секторды басқарудағы киберқауіпсіздік мәселелері, энергетикалық жүйелердегі киберқауіптер мен осалдықтарды анықтау – спикер Доктор Ян Вэн.

Семинар спикерлері: Аризона электр және сумен қамтамасыз ету компаниясының киберқауіпсіздік жөніндегі аға сәулетшісі  Марк Джонсон-Барбье және Аризона штаты университетінің Электр техникасы, есептеу техникасы және энергитка мектебінің доценті доктор Ян Вэн, сондай-ақ энергетика саласындағы АҚШ-Израиль Халықаралық киберқауіпсіздік консорциумы төрағасы.

Онлайн семинарға «KEGOC» АҚ, «Астана-Энерго» АҚ, «АЭҮК» АҚ, «Астанаэнергосбыт» ЖШС, «Астана-Аймақтық Электржелілік Компаниясы» АҚ, «Т.И.Батуров атындағы Жамбыл ГРЭС-і» АҚ, «АЭС Өскемен ГЭС» ЖШС, «АЭС Шүлбі ГЭС» ЖШС және «KOREM» АҚ-ның ақпараттық және операциялық технологиялар, сонымен қатар ақпараттық қауіпсіздік саласындағы мамандары қатысты.

Семинар энергетикалық сектордың қауіпсіздігін арттыруға бағытталған Қазақстан мен АҚШ арасындағы ынтымақтастық пен білім алмасуды нығайту тұрғысынан маңызды алаңға айналды.

Семинардың келесі оффлайн сессиясын 2024 жылдың желтоқсан айының бірінші жартысында өткізу жоспарланып отыр. Курс соңында қатысушылар АҚШ-тың жетекші университеттерінің бірінен бағдарлама курсын аяқтағаны туралы сертификат алады.