Жаңалықтар архивы
106
АО «KOREM» алаңында 100 МВт көлемінде қуат бойынша аукциондар өткізілді.
Жиынтық белгіленген қуаты 100 МВт болатын жел электр станциясын (ЖЭС) салуға арналған аукционның нәтижелері жарияланды.
2025 жылғы 27 мамырда Қазақстан Республикасының БЭЖ Солтүстік аймағы үшін жалпы белгіленген қуаты 100 МВт жел электр станциясының құрылысына жаңартылатын энергия көздері жобаларын іріктеу бойынша аукцион өткізілді.
Аукциондық сауда-саттыққа қатысуға 8 компанияға рұқсат берілді, қатысушылар 14 баға ұсынысын берді. Берілген өтінімдердің жиынтық көлемі 600 МВт құрады. ЖЭС жобаларын іріктеу бойынша аукциондық сауда-саттық кезінде 2025 жылғы шекті аукциондық баға 22,68 теңге/кВтсағ (ҚҚС-сыз) құрады.
Аукцион барысында қатысушылардан түскен өтінімдер 18,05 теңге/кВтсағаттан 11,49 теңге/кВтсағатқа (ҚҚС-сыз) дейінгі баға ауқымын құрады.
Аукцион қорытындысы бойынша «Zeta Wind», ЖШС компаниясы жеңімпаз деп танылды. Жобаның белгіленген қуаты - 100 МВт, аукцион бағасы – 11,49 теңге/кВтсағ (ҚҚС-сыз).
Аукциондық сауда-саттыққа Қазақстан Республикасы Энергетика министрлігі, Қазақстандық электр энергетикасы қауымдастығы, «Kazenergy» Қазақстан мұнай-газ және энергетика кешені ұйымдарының қауымдастығы және «ECOJER» Қазақстандық аймақтық экологиялық бастамалар қауымдастығы өкілдері бақылаушы ретінде қатысты. Бақылаушылар аукционның бекітілген нормативтік құқықтық актілерге сәйкес өткізілгенін атап өтті, сонымен қатар аукционды ұйымдастырушы – «КОRЕМ» АҚ электрондық сауда жүйесінің ашықтығын растады.
Қазақстан Республикасы Батыс аймағы үшін жалпы белгіленген қуаты 50 МВт ЖЭС салу жобаларын іріктеу бойынша келесі аукцион 2025 жылғы 28 мамырға жоспарланған.
