Жаңалықтар архивы
576
Ағымдағы жылдың 29 қарашасында ҚР БЭЖ Батыс аймағының Манғыстау облысы бойынша электр қуатының орталықтандырылған сауда-саттығы өткізілді
2019 жылғы 29 қарашасында ҚР БЭЖ Батыс-Қазақстан мен Атырау облыстарын және ҚР БЭЖ Манғыстау облысын байланыстыратын электр беру желілерінің өткізу қабілетін ескере отырып, «КОРЭМ» АҚ-ның сауда алаңында Батыс аймағының Манғыстау облысы бойынша электр қуатының орталықтандырылған сауда-саттығы өткізілді.
Электр қуатының орталықтандырылған сауда-саттығын өткізу үшін бірыңғай сатып алушы мен Жүйелік оператор «КОРЭМ» АҚ-ға мынадай бастапқы параметрлерді ұсынды:
- ҚР БЭЖ Батыс аймағының Манғыстау облысы бойынша электр қуатына болжамдық сұраным – 418,53 МВт;
- ҚР БЭЖ Батыс-Қазақстан мен Атырау облыстарын және ҚР БЭЖ Манғыстау облысын байланыстыратын электр беру желілерінің өткізу қабілетінің көлемі – 50 МВт;
Электр қуатының әзірлігін ұстап тұру бойынша қызметке шекті тариф – айына 590 мың тг/МВт (ҚҚС-сыз).
Электр қуатының орталықтандырылған сауда-саттығына 4 энергия өндіруші ұйым қатысты.
Электр қуатының орталықтандырылған сауда-саттығының қорытындысы бойынша сатылған қуаттың жалпы көлемі 418,53 МВт құрады, оның ішінде Манғыстау облысы бойынша – 381,53 МВт және ҚР БЭЖ Батыс аймағының Атырау облысы бойынша – 37 МВт. Сауда-саттық жүйесінде жасалған мәмілелер саны 3 құрады. Электр қуатының орталықтандырылған сауда-саттығының қорытындысы бойынша орташа бағасы айына 589,56 мың тг/МВт (ҚҚС-сыз) құрады.
Энергия өндіруші ұйымдардың сауда жүйесіне берілген өтінімдерінің жиынтық көлемі 555 МВт құрады.
ҚР БЭЖ Батыс аймағы бойынша сатып алынатын қуаттың қанағаттандырылмаған көлемі сатып алынатын қуаттың тапшылығына байланысты 136,47 МВт құрады. Электр қуатының орталықтандырылған сауда-саттығының нәтижелерімен Сіз осында таныса аласыз (мәмілелер тізілімі).
Электр қуатының орталықтандырылған сауда-саттығына бақылаушы ретінде Қазақстан Республикасы Энергетика министрлігінің, «ҚЭҚ» ЗТБ, Қазақстан Республикасы Ұлттық экономика министрлігі Табиғи монополияларды реттеу комитетінің «ЖЭКҚ жөніндегі ҚЕАО» ЖШС өкілдері қатысты.
