Жаңалықтар архивы
1173
Белгіленген жиынтық қуаты 20 МВт 2020 жылғы 10 желтоқсандағы КЭС жобаларын іріктеу бойынша аукциондық сауда-саттықтың қорытындылары
2020 жылғы 10 желтоқсанда «KOREM» АҚ Қызылорда облысының Арал қаласының маңында орналасқан, белгіленген қуаты 20 МВт күн электр станциясының (бұдан әрі - КЭС) жобасы үшін ағымдағы жылдың қорытынды аукциондық сауда-саттығын өткізді.
Аукцион өтті деп танылды.
Келесі компания аукциондық сауда-саттық қорытындысы бойынша жеңімпаз болып анықталды:
«HEVEL KAZAKHSTAN (Хевел Казахстан)» ЖШС (Ресей) бағасы 16,96 тг/кВтс (ҚҚС-сыз).
Аукциондық сауда-саттығына қатысуға 2 компания жіберілді, сауда сессиясын өткізу барысында қатысушылар 2 баға ұсынысын берді. 2020 жылы КЭС жобаларын іріктеу бойынша аукциондық сауда-саттық өткізу кезінде шекті аукциондық баға 16,97 тг/кВтс (ҚҚС-сыз) құрады.
Сауда сессиясын өткізу барысында аукциондық сауда-саттығына қатысушылардан алынған өтінімдердің баға диапазоны 16,97-ден 16,96 тг/кВтс (ҚҚС-сыз) құрады.
Аукциондық сауда-саттықты өткізу барысында бақылаушылар ретінде Қазақстан Республикасы энергетика Министрлігінің, және БҰҰ-ның даму жөніндегі бағдарламасының өкілдері қатысты. Бақылаушылар аукциондық сауда-саттықты бекітілген нормативтік құқықтық актілерге сәйкес өткізуді атап өтті және аукционды ұйымдастырушы – «KOREM» АҚ электрондық сауда жүйесі жұмысының ашықтығын растады.
Анықтамалық:
Қазақстан Республикасы энергетика Министрлігінің 21.05.2020 ж. №202 бұйрығымен бекітілген аукциондық сауда-саттықты өткізу кестесіне сәйкес 2020 жылға электр станцияларының түрлері бойынша бөле отырып, белгіленген қуаты 250 МВт көлемінде аукциондық сауда-саттықты өткізу жоспарлануда:
- күн электр станциялары – 55 МВт (оның ішінде 2 жоба құжаттамасы бар, әр жобаның белгіленген қуаты 20 МВт);
- жел электр станциялары – 65 МВт;
- су электр станциялары – 120 МВт;
- БиоЭС – 10 МВт.
«KOREM» АҚ аукциондық сауда-саттықты ұйымдастырушы болып анықталды.
