Жаңалықтар архивы

2023 жылғы 13 маусымда Бірыңғай сатып алушы моделін және электр энергиясының теңгерімдеуші нарығын нақты уақыт режимінде енгізу бойынша ақпараттық-түсіндіру жұмысы бойынша қалыптасқан сарапшылар тобы Астана қаласында түсіндіру науқанының қорытынды кездесуін өткізеді.

Естеріңізге сала кетейік, ҚР «Электр энергетикасы туралы» Заңына енгізілген өзгерістер мен толықтыруларға сәйкес ағымдағы жылдың 1 шілдесінен бастап нақты уақыт режимінде Бірыңғай сатып алушы мен электр энергиясының теңгерімдеуші нарығының жаңа моделі енгізілуде.

ҚР Энергетика министрінің бұйрығымен электр энергиясының жоспарлы көлемін орталықтандырылған сатып алуды және орталықтандырылған сатуды жүзеге асыратын электр энергиясын Бірыңғай сатып алушы болып «Жаңартылатын энергия көздерін қолдау жөніндегі есеп айырысу-қаржы орталығы» ЖШС, ал теңгерімдеуші нарықтың есеп айырысу орталығы, электр энергиясының теңгерімдеуші нарығында теңгерімдеуші электр энергиясын және теріс теңгерімсіздіктерді орталықтандырылған сатып алу-сатуды жүзеге асыратын «Электр энергиясы мен қуаты нарығының қазақстандық операторы» АҚ болып айқындалды.

Электр энергиясының көтерме сауда нарығының субъектілерін ақпараттандыруды қамтамасыз ету, сондай-ақ электр энергиясы нарығының жаңа моделін түсіндіруді мақсатында ҚР Энергетика министрлігі «KEGOC» АҚ, «ЭҚРҚО» АҚ және «Жаңартылатын энергия көздерін қолдау жөніндегі есеп айырысу-қаржы орталығы» ЖШС қатысуымен ағымдағы жылдың 29 мамыры мен 13 маусымы аралығында ел өңірлеріне көшпелі түсіндіру науқанын көздерін жоспарлап өткізілді.

ҚР Энергетика министрлігі бекіткен нақты уақыт режимінде Бірыңғай сатып алушының моделін және электр энергиясының теңгерімдеуші нарығының алдағы уақытта енгізу мәселелері бойынша түсіндіру іс-шараларының кестесіне сәйкес, қорытынды кездесу Қазақстаның астанасында өтеді.

Кездесу уақыты: сағат 10.00-ден 16.00-ге дейін.

Мекен-жайы: Астана қ., Тәуелсіздік даңғылы, 59

Фото: ашық дереккөздерден