Жаңалықтар архивы

«Электр энергиясы мен қуат нарығының қазақстандық операторы» АҚ аукциондық сауда-саттықты ұйымдастырушысы 2024 жылғы 29-30 шілдеде генерацияның маневрлік режимі бар жаңадан пайдалануға берілетін генерациялайтын қондырғыларды салуға арналған аукциондық сауда-саттықты ұйымдастыру мен өткізуге байланысты шешімдерді қабылдау үшін комиссияның отырысы (бұдан әрі - Комиссия) өткенін хабарлайды.

Комиссия аукциондық сауда-саттыққа қатысуға өтініш берушілердің өтінімдері мен құжаттамаларын қарап, аукциондық сауда-саттықты ұйымдастырушының электрондық жүйесінде тіркеуге келесі компанияларды жіберуге шешім қабылдады:

1. ЖШС «GES Myrzatai»
2. ЖШС «Өндірістік-коммерциялық фирма «Континент Ко Лтд»
3. АҚ «Атырау ЖЭО»
4. ЖШС «Sterna Power»
5. ЖШС «Aktobe Energy Gaz»
6. ЖШС «Taraz Energy»
7. ЖШС «Energy Power Plant Construction»
8. ЖШС «GasEnergyQz»
9. ЖШС «Energy Flow Generation»
10. ЖШС «Аспан Energy»
11. АҚ «Жамбыл ГРЭС» (50 МВт)
12. АҚ «Жамбыл ГРЭС» (400 МВт)
13. ЖШС «Aktobe Power Plant»
14. ЖШС «Taraz Kuat»
15. Жеке компания «Aksa Energy Atyrau Ltd»

Естеріңізге сала кетейік, ҚР Энергетика министрінің 2024 жылғы 20 ақпандағы № 73 бұйрығымен бекітілген 2024 жылға арналған аукциондық сауда-саттықты өткізу кестесіне сәйкес 2024 жылғы 23 тамызда жиынтық белгіленген қуаты 700 МВт болатын маневрлік генерациялау режимі бар жаңадан пайдалануға берілетін генерациялаушы қондырғыларды салуға аукциондық сауда-саттық өткізілетін болады.

Сондай-ақ, «Электр энергиясы мен қуат нарығының қазақстандық операторы» АҚ жоғарыда аталған компанияларды аукциондық сауда-саттықты ұйымдастырушының электрондық жүйесінде тіркеуге шақырады.

Аукциондық сауда-саттыққа қатысты барлық сұрақтар бойынша келесі байланыс телефоны арқылы жүгінуге болады: + 7 (7172) 982-965.