Сала жаңалықтары архивы

Екі тоқсан қатарынан электрмен жабдықтау, газ беру, бу және әуе желдету секторында жұмыс жасайтын ірі және орта кәсіпорындар өз қызметінде залалдылықты тіркеп отыр. 2017 жылдың 3-ші тоқсанының қорытындысы бойынша нарықтың ірі қатысушыларының жиынтық залалдылығы 7,6 миллиард теңгені құрады, бұл өткен 2016 жыл ішіндегі  17,2 млрд теңге кіріске керісінше.

2017 жылдың 1-ші тоқсанында энергетиктер 105,3 млрд теңге сомасында рекордтық табысты бекіткенін атап өтеміз, алайда 2-ші тоқсанда кірістер залалдармен орын алмастырды, жалпы сомасы 1,7 млрд теңгені құрады.

Секторда залалдылық деңгейі шығындар өсімінің жылдамдығымен салыстырғанда кірістердің әлсіз өсімі аясында артты. Атап айтқанда, 3-ші тоқсанда саланың ірі және орта кәсіпорындары 377,8 млрд теңге табыс тапты, немесе өткен 2016 жылмен салыстырғанда  6,7% -ға көп. Ал шығындар көлемі 14,4%-ға өсті және 385,4 млрд теңгені құрады.

Дәлірек айтқанда, негізгі тауарларды және қызметтерді сатудан қазақстандық энергетиктер  353,5 млрд теңге кіріс тапты немесе өткен жылдан  14,3%-ға көп. Бірақ басқа табыстар ағыны барынша қысқарды: қаржыландырудан түсетін табыстар жылына  46,1%-ға азайды яғни  11 млрд теңгеге дейін, ал басқа да кірістер -  45,5% -ға яғни 13,3 млрд теңгеге дейін.

Қорытынды қаржылық жылына түсетін қысым несиелер мен қаржыландыруға арналған басқа да шығындардың артуына қатты ықпал етті (+51,2%,  37,2 млрд теңгеге дейін), сондай-ақ өзіндік құн мен өз өнімін іске асыру шығындарының өсуі де әсерін тигізді (+12,4%,  305,6 млрд теңгеге дейін).

Электр энергетикасы қызметіндегі залалдылық саладағы өндіріс өсімінің артуы аясында бекітіліп отыр – 2017 жылдың 11 айының қорытындысы бойынша сала кәсіпорындарының шығарылымы 2016 жылдың осыған ұқсас кезеңімен салыстырғанда 5% жоғары.