Сала жаңалықтары архивы
3172
Энергетика министрлігі жасыл энергетикаға $ 2 млрд дейін инвестиция тартуды жоспарлап отыр
ЖЭК (жаңартылатын энергия көздері) объектілері үшін халықаралық аукциондарды өткізу Қазақстанның жасыл энергетикасына 2 млрд.долларға дейін инвестиция тартуға ықпал ететді. Бұл туралы Үкімет отырысында Энергетика министрі Қанат Бозымбаев мәлімдеді, деп хабарлайды Kapital.kz бизнес-ақпарат орталығының тілшісі. (https://kapital.kz).
«Ағымдағы жылдың сәуір-қазан айларында біздің еліміздің тарихында тұңғыш рет жалпы қуаты шамамен 1 ГВт болатын ЖЭК объектілері үшін халықаралық аукциондар өткізіледі. Болашақта бұл жасыл энергетикаға 1,5 миллиард доллардан 2 миллиард долларға дейін ивестиция тартуға септігін тигізеді деп болжауға болады», - деді Қанат Бозымбаев.
Министрдің сөзі бойынша, ірі инвестициялар тартылған жағдайда электр энергиясының құны айтарлықтай төмендеуі мүмкін. Сонымен бірге, 2018 жылы жалпы қуаты 123 МВт болатын жаңартылатын энергия көздерінің 10 нысаны пайдалануға беріледі деп жоспарлануда.
«Жаңартылатын энергия көздері нарығы жыл сайын өсіп келеді, 2017 жылы 1,1 млрд. КВт / сағ. өндірілді, бұл 2016 жылға қарағанда 22% артық. ЖЭК секторы, күтілгендей, қарқынды дамып келеді. Дәстүрлі электроэнергетикадан 3 есе артық. 2018 жылға деген жоспар - бұл 1,7 млрд. КВт/сағ. немесе 2017 жылға қарай 155% », - деп атап өтті бөлім басшысы.
Ол сондай-ақ, 2018 жылы жасыл технологияларды және инвестициялық жобаларды дамыту бойынша «Болашақ энергиясы» атты халықаралық орталықтың өз жұмысын бастайтының атай кетті.
"Халықаралық даму банктары тек «жасыл» жобаларға инвестиция салу туралы шешім қабылдады, сондықтан орталықтың жұмысы осы салаға инвестиция тартуға бағытталған болады. Біздің орталықтың жұмысы шетелде үлкен қызығушылық тудыруда. Біз бірінші жартыжылдықтың соңына дейін жекешелендірілетін акционерлік қоғамдардың бірінің негізінде жұмысты (орталық - Қызыл) бастап кетуді жоспарлап отырмыз", - деп Қанат Бозымбаев жоспарлармен бөлісті.
