Сала жаңалықтары архивы

Энергетика министрлігі энергияны сақтау жүйелерімен (ЭСЖ) ЖЭК аукциондарының бес жылдық кестесін бекітуді жоспарлап отыр. Бұл туралы Энергетика вице-министрі Жандос Нұрмағанбетов Астанадағы ведомствоның кеңейтілген алқа отырысында айтты.

«Президенттің ЖЭК-тің 15%-на қол жеткізу жөніндегі тапсырмасын орындау үшін 2030 жылға қарай ЭСЖ бар ЖЭК аукциондарының 5 жылдық кестесін бекіту жоспарлануда. Сондай-ақ, Масдар, Тоталь, Acwa Power ірі компанияларымен ЭСЖ бар ЖЭС салу», – деді вице-министр.

Өткен жылы Қазақстанда аукциондық сауда-саттықта ЖЭК объектілерін салу жобалары айқындалды.

«ЖЭК бойынша аукциондық сауда-саттықта 2022 жылы жалпы қуаты 440 МВт болатын 10 ЖЭК жобасы іріктелді, оның ішінде ЖЭС – 400 МВт, СЭС - 40 МВт. ЖЭС үшін тарихи ең төменгі баға – 12,49 тг, 1 кВт / сағ үшін 3 центтен аз алынды, бұл әлемдік рекордқа жақын», - деп атап өтті Жандос Нұрмағанбетов.

Министрліктің болжамы бойынша 2023 жылы ЖЭК объектілерінің электр энергиясын өндіру көлемі 5%-ға жетеді. 2022 жылдың қорытындысы бойынша бұл көрсеткіш - 5,11 млрд. кВтсағ құрады.

Өткен жылы жалпы инвестиция сомасы 180 млрд.теңгені құрайтын жалпы қуаты 385 МВт болатын 12 ЖЭК нысаны іске қосылды.

Қараша айында Франциямен қуаты 1 ГВт (Total) жинақтағыштары бар ЖЭС салуға үкіметаралық келісімге қол қойылды. Қуаты 1 ГВт ЖЭС (Masdar) салу қағидаттары туралы келісімге қол қойылды.