Вакансиялар

Кандидатқа қойылатын негізгі талаптар:

Біліктілік талаптары:

Менеджер операторға қойылатын біліктілік талаптары:

• білімі: жоғары (жоғары оқу орнынан кейінгі) техникалық немесе экономикалық;
• жұмыс өтілі: тиісті салаларда кемінде 1 (бір) жыл
• Қазақстан Республикасының нормативтік құқықтық актілерін және Департамент пен Қоғамның қызметі ерекшелігіне сәйкес келетін Қоғамның ішкі нормативтік құжаттарын білуі.

Менеджер оператордың лауазымдық міндеттеріне мыналар жатады:

• өз міндеттерін бас менеджердің, Департамент директорының, жетекшілік ететін басқарушы директордың және Қоғам Басқармасы Төрағасының жалпы басшылығымен және Қоғамның құрылымдық бөлімшелерімен өзара іс-қимыл жасай отырып орындау;
• Қоғамның ішкі құжаттарының талаптарын орындау;
• электр энергиясы мен электр қуатының орталықтандырылған сауда-саттығын ұйымдастыру және өткізу;
• электр энергиясының орталықтандырылған сауда-саттығын ұйымдастыруға және өткізуге байланысты мәселелер бойынша жүйелік оператормен және электр энергиясының бірыңғай сатып алушысымен өзара іс-қимыл жасау;
• жаңартылатын энергия көздерінің жобаларын, қалдықтарды энергетикалық кәдеге жаратуды таңдау бойынша, генерациялаудың маневрлік режимімен жаңадан пайдалануға берілетін генерациялайтын қондырғылар салу бойынша аукциондық сауда-саттық (бұдан әрі – аукциондық сауда-саттық) өткізу;
• ҚР ЭЭНО субъектілерінің сауда-саттыққа қатысушыларының операторларына электрондық сауда жүйесінде жұмыс істеу бойынша консультация беру;
• маркетингтік қызмет және электр энергиясы нарығын зерттеу жөніндегі іс-шараларды жүргізу;
• Департаменттің құзыретіне кіретін мәселелер бойынша нормативтік құқықтық актілердің және Қоғамның ішкі нормативтік құжаттарының жобаларын әзірлеуге қатысу;
• электр энергиясының орталықтандырылған сауда-саттығының нәтижелерін талдау;
• кәсіпорында келесі түрлер бойынша шарттық жұмысты жүргізу:
• Қоғам мен Қазақстан Республикасының электр энергиясының көтерме сауда нарығы субъектісі (бұдан әрі – ЭЭНО субъектісі) арасындағы электр энергиясының орталықтандырылған сауда нарығына қатысу шарты (бұдан әрі – ОСН шарты);
• Бірыңғай сатып алушымен ОСН шарты.
• Кәсіпорындағы шарттық жұмыс дегеніміз – әдетте екі циклде жүргізілетін іс-шаралар:

- ОСН шарттарын жасасу (дайындау, ресімдеу, тарапаттармен талаптарын келісу);

- ОСН шарттарының орындалуын ұйымдастыру (жедел іс-шаралар, есепке алу, бақылау, барысы мен нәтижелерін бағалау).

• ұсынылған нақты баланс бойынша есептеулерді, деректерді өңдеу мен талдауды жүзеге асыру және электр энергиясының орталықтандырылған сауда-саттығын өткізуге сауда жүйесінің дайындығын қамтамасыз ету бойынша Қоғам көрсеткен қызметтер (бұдан әрі – СЖДҮ) үшін бірыңғай тізілім қалыптастыру;
• ЭЭНО субъектілерінің берешегі бойынша мониторинг жүргізу;
• Қоғамның ЭЭНО субъектілеріне берешекті өтеу қажеттігі туралы хабарлама хаттарын дайындау және жіберу;
• Қоғамның төлем жасамайтындары бойынша құжаттарды кейіннен Құқықтық қамтамасыз ету департаментіне беру үшін дайындау;
• электр энергиясы мен электр қуатының орталықтандырылған сауда-саттығының жұмыс істеу қорытындылары бойынша тиісті есептер дайындау;
• Департамент шешетін міндеттердің сипатына байланысты бас менеджердің, директордың және Қоғам басшылығының өзге де тапсырмаларын орындау.

Қажетті құжаттардың тізбесі:

1) осы Қағидаларға 2-қосымшаға сәйкес өтініш;

2) жеке басын куәландыратын құжаттың көшірмесі;

3) білімі туралы құжаттың көшірмесі;

4) осы Қағидаларға 3-қосымшаға сәйкес толтырылған сауалнама;

5) тұлғаның сыбайлас жемқорлық қылмыс жасамауы туралы мәлімет;

6) сотталмағаны туралы анықтама;

7) түйіндеме.

Кандидаттың қалауы бойынша конкурстық комиссияға кандидаттың кәсіби құзыреттіліктерінің деңгейін анықтауға мүмкіндік беретін өзге де құжаттар ұсынылуы мүмкін.

Құжаттарды 2026 жылғы 8 қыркүйекке (қоса алғанда) дейін мына электрондық мекенжайға жіберу қажет: shakir@korem.kz / koremadm@korem.kz

Қоғамның деректемелері мен орналасқан жері: Астана қ., Сарайшық көшесі, 34А, 3-қабат. Тел.: +7 7172 98-29-58, 98-29-61. Электрондық мекенжайы: koremadm@korem.kz

Бос лауазымды атқаруға конкурс «КОРЭМ» АҮ Басқармасының 2022 жылғы 7 қазандағы №02-02/15 шешімімен бекітілген «Электр энергиясы және қуат нарығының қазақстандық операторы» акционерлік қоғамының бос лауазымдарына кандидаттарды таңдау бойынша конкурс өткізу қағидалары мен шарттарына сәйкес өткізілетін болады, олармен осы жерден танысуға болады.